नांदेड,बातमी24ः- मागच्या अनेक वर्षांपासून मागणी असलेल्या कौठा येथील नियोजित महात्मा बसवेश्वर यांच्या अश्वारुढ पुतळयाच्या कामाचा मार्ग प्रशस्त झाला आहे. या पुतळयाचे भूमिपूजन शनिवार दि. 15 ऑगस्ट रोजी भूमिपुजन सार्वजनिक बांधकाममंत्री तथा नांदेड जिल्ह्याचे पालकमंत्री अशोक चव्हाण यांच्या हस्ते होणार असल्याची माहिती जिल्हा काँग्रेस प्रवक्ते संतोष पांडागळे यांनी दिली.
कवठा येथे महात्मा बसवेश्वर यांचा पूर्णाकृती पुतळा बसविण्यात यावा, अशी मागणी समाज बांधवांकडून केली होती. अखेर ही मागणी प्रत्यक्षात उतरली, असून
नांदेड-वाघाळा महानगर पालिकेच्या हद्दीत असलेल्या कौठा परिसरातील नियोजित जागी शनिवारी दुपारी चार वाजेच्या सुमारास अश्वारुढ पुतळयाचे नियोजित कामाचे भूमिपुजन अशोक चव्हाण यांच्या हस्ते होणार असून या वेळी जिल्हा परिषद अध्यक्ष मंगाराणी अंबुलगेकर, महापौर दीक्षा धबाले, आमदार अमरनाथ राजूरकर, आमदार मोहन हंबर्डे, आमदार बालाजी कल्याणकर, माजी पालकमंत्री डी. पी. सावंत, माजी महापौर किशोर स्वामी, जिल्हापरिषद शिक्षण सभापती संजय बेळगे, बालाजी पांडागळे यांच्यासह अन्य मान्यवरांची उपस्थिती राहणार असल्याचे काँग्रेस पक्षाचे जिल्हा प्रवक्ते संतोष पांडागळे यांनी सांगितले.
