जयपाल वाघमारे
नांदेड,बातमी24:- काल दिवसभर महिला दिनाच्या कार्यक्रमाची वर्दळ सर्वत्र पाहायला मिळाली, दिवसभर जिल्हा परिषदमधील महिलाच गौरव करण्यात दंग असलेल्या सीईओ वर्षा ठाकूर यांच्यासाठी जिल्हाधिकारी कार्यालयात आयोजित करण्यात आलेला महिला दिन औरच ठरला.जिल्ह्यातील प्रमुख उच्च पदस्थ अधिकाऱ्यांच्या उपस्थितीत सीईओ वर्षा ठाकूर यांच्या हस्ते केक कापून महिला दिनाचा समारोप केला.
जिल्हाधिकारी डॉ. विपीन इटनकर यांनी जिल्हाधिकारी कार्यलयात कार्यालयीन महिलांचा महिला दिनी गौरव केला.तिकडे स्वतः महिला सीईओ असलेल्या वर्षा ठाकूर यांनी प्रमुख या नात्याने अधिकारी महिला कर्मचाऱ्यासोबत महिला दिन साजरा केला. प्रत्येक विभागात जाऊन महिला फुल देत स्वागत केले.विशेष म्हणजे ठाकूर यांनी स्वतः महिलांसोबत सेल्फी काढत जिव्हाळा निर्माण केला.
सर्व क्षेत्रात महिलांनी आपल्या कार्य व कर्तृत्वातून स्त्री-पुरुष समानतेल आकार देण्याचा प्रयत्न केला आहे. यातून काल जिल्हाधिकारी कार्यालयात जिल्हाधिकारी डॉ. विपीन इटनकर यांनी त्यांच्या दालनात जिल्हा पातळीवरील प्रमुख सर्व अधिकारी यात नांदेड विभागाचे महानिरीक्षक निसार तांबोळी,पोलीस अधीक्षक शेवाळे,महापालिका आयुक्त डॉ.लहाने, वैधकीय महाविद्यालयाचे डीन डॉ.देशमुख,डॉ.शरद कुलकर्णी, डीएचओ डॉ.बालाजी शिंदे, सीएस डॉ.निळकंठ भोसीकर यांची यावेळी उपस्थिती होती.
याविषयी बोलताना वर्षा ठाकूर भावुक झाल्या, केक कापून किंवा माझा सत्कार इतक्या पुरता मर्यादित हा महिला दिन माझ्यासाठी नव्हता सोबतच्या पुरुष सहकारी अधिकारी यांनी मला अधिक चांगले काम करण्यासाठी प्रोतसाहित तर केलेच शिवाय अधिक सक्षम बनविले असल्याची प्रतिक्रिया व्यक्त केली.
