नांदेड,बातमी24:- भारतीय जनता पक्षाचे तथा महायुतीचे उमेदवार खासदार प्रतापराव पाटील चिखलीकर यांचा उमेदवारी अर्ज दाखल करण्यात आला. जुना मोंढा येथील टाॅवर पासून भव्य अशी मिरवणूक काढण्यात आली. या यावेळी उपमुख्यमंत्री देवेंद्र फडणवीस व भारतीय जनता पक्षाचे प्रदेशाध्यक्ष चंद्रशेखर बावनकुळे,खा.अशोक चव्हाण आदींची उपस्थिती होती. मुख्यमंत्री अशोकराव चव्हाण, मंत्री अतुल सावे, केंद्रीय मंत्री डॉ भागवत कराड, खासदार डॉ अजित गोपछडे, उमेदवार खासदार प्रतापराव पाटील चिखलीकर यांच्यासह मित्र पक्षाचे प्रमुख उभे होते. दुपारी बारा वाजण्याच्या सुमारास मिरवणूकीला प्रारंभ झाला. ही मिरवणूक हनुमान टेकडी, गुरूद्वारा, तारासिंग मार्केट, महावीर चौक, वजिराबाद, शिवाजी पुतळा मार्ग जिल्हाधिकारी कार्यालयाकडे निघाली. रस्त्यात ठिकठिकाणी उमेदवार प्रतापराव पाटील चिखलीकर, अशोकराव चव्हाण, यांचे स्वागत करण्यात आले. मिरवणुकीत महायुतीचे कार्यकर्ते सहभागी झाले होते.
या मिरवणुकीत माजी मुख्यमंत्री अशोकराव चव्हाण, केंद्रीय मंत्री डॉ भागवत कराड, मंत्री अतुल सावे, खासदार अजित गोपछडे, आमदार डॉ तुषार राठोड, शहराध्यक्ष दिलीप कंदकुर्ते, ग्रामीण जिल्हाध्यक्ष डॉ संतुक हंबर्डे, किशोर देशमुख, शिवसेनेचे आनंद बोंडारकर, गंगाधरराव बडुरे, राष्ट्रवादी काँग्रेस पक्षाचे अध्यक्ष दिलीप धर्माधिकारी, शहराध्यक्ष जीवन घोगरे, भाजपाचे प्रदेश कार्यकारिणी सदस्य बालाजी बच्चेवार, बापूसाहेब देशमुख, माजी शहराध्यक्ष चैतन्य बापु देशमुख, श्रावण भिलवंडे, साहेबराव गायकवाड, माजी सभापती आनंद पाटील ढाकणीकर, उपसभापती नरेंद्र गायकवाड, महीला आघाडीच्या श्रद्धा चव्हाण, गोरे, सुशीलकुमार चव्हाण, दिपक रावत राजु गोरे, यांच्यासह महायुतीचे पदाधिकारी मोठ्या संख्येने उपस्थित होते.
