नांदेड,बातमी24:-लोहा येथुन हणेगावकडे जाणाऱ्या आयचर टेम्पो (क्रमांक एम. एच.१३ आर.२२२४) टेम्पोचे कंधारच्या बस स्थानकाजवळ अचानक ब्रेक फेल झाला.या अपघातात पती- पत्नी जागीच ठार झाले,तर १६ जण जखमी झाले आहेत. यातील गंभीर सात जणांना पुढील उपचारासाठी नांदेड येथे हलवण्यात आले आहे.
सोमवारी दि.१६ बाजाराचा दिवस होता. यामुळे शहरात मोठी गर्दी होती. सायंकाळी पाचच्या सुमारास लोहयाहून कंधार मार्गे हानेगावला आयचरचे कंधारच्या बस स्थानकाजवळ ब्रेक फेल झाले. चालकाने आरडाओरड करून तशीच गाडी महाराणा प्रताप चौकापर्यंत आणली. आठवडी बाजार असल्याने शहरात गर्दी होती. गाडी थेट हात गाड्याना ठोकरून पुढे जाऊन थांबली. यावेळी आठवडी बाजाराला आलेले गोविंद सटवाजी भंगरे (वय ६५ वर्ष) व मथुराबाई गोविंद भंगरे (वय ६० वर्ष) दोघेही राहणार बाभूळगाव (ता.कंधार) हे पती-पत्नी जागीच ठार झाले. तर १६ जण जखमी झाले.
जखमी मध्ये रामेश्वर भंगरे, शेख जावेद, शेख जाकेर, शेख रौफ, लक्ष्मीबाई वाघमारे, शेख महमूद, रामदेव जाधव, बालाजी मुंडे, अविनाश जायभाये, सत्तार खान, तन्वीर हुसेन, शेख सद्दाम, हसन भंगरे, शंकर भागवत, शेख गौस यांचा समावेश असून त्यातील सात गंभीर जखमींना पुढील उपचारासाठी नांदेड येथे पाठवण्यात आले आहे.
