नांदेड,बातमी24:- नांदेड येथील तरोडा नाका येथे असलेला तीन एकरवरील भूखंडाची जागा आता चारही बाजूने गिळंकृत करण्याचे काम सुरू असून याकडे जिल्हा परिषद अध्यक्ष,सीईओसह अन्य अधिकारी व पदाधिकारी डोळे झाकून दूध पिणाऱ्या मांजरासारखे जणू काही माहीत नाही असे वागत आहेत.
जिल्हा परिषदेची आर्थिक परिस्थिती बेताची आहे. पंधरा कोटी पर्यंत असणारा पूर्वी सेस पुढील वर्षी पाच ते सात कोटींवर येण्याची शक्यता आहे. शासनाचे आखर्चित असणारे करोडो रुपये परत गेले आहेत.त्यामुळे पुढील काळात जिल्हा परिषदेची हलाखीची होऊ शकते.
अशी बिकट परिस्थिती असताना जिल्हा परिषद प्रशासन व पदाधिकार्याकडून याकडे दुर्लक्ष होत चालले आहे. नांदेड शहरात तरोडा नाका,वजीराबाद येथील मल्टिपर्पज शाळा जागा, जिल्हा न्यायालय इमारतीच्या पाठीमागची ही जागा आहे,तसेच महापालिकाशेजारील भव्य इमारत अशी दोनशे कोटी रुपयांचे भूखंड एकट्या जिल्हा परिषदेचे आहेत.
तरोडा नाका येथील भूखंड पश्चिम दिशेने अतिक्रमण करून भव्य तीन मजली व्यापारी गाळे बांधण्यात आले.दक्षिण दिशेने मासविक्री करणारे दुकाने थाटली आहेत.पूर्व दिशेने सुद्धा अतिक्रमण झाले आहे. मागच्या काही दिवसांपासून येथील खदानीत मुरूम टाकून तेथे ही अतिक्रमण होण्याची शक्यता आहे.याकडे लक्ष देणे आवश्यक आहे, अन्यथा हा करोडो रुपये किमतीचा भूखंड कधी गिळंकृत होईल ते सांगता येत नाही.
——
धनगे यांचा लढा एकांकी
जिल्हा परिषद सदस्य साहेबराव धनगे यांनी तरोडा नाका येथील भूखंड अतिक्रमण संबंधी लढा दिला;पण त्यांच्या लढ्यास जिल्हा परिषदेची साथ मिळाली नाही.
