नांदेड, बातमी24ः हदगाव-हिमायतनगर विधानसभा मतदारसंघाचे आमदार माधवराव पाटील जवळगावकर हे कोरोना पॉझिटीव्ह आल्यानंतर संपर्कात आलेल्या काही जणांचा अ‍ॅटीजन किटव्दार स्वॅब घेण्यात आले. हे स्वॅब सकाळी संबंधितांना प्राप्त झाले आहे. सर्वच्या सर्व जणांचे स्वॅब हे निगेटीव्ह आले. अ‍ॅटीजन किटव्दारे तपासणीमध्ये अहवाल निगेटीव्ह आल्यानंतर आरटी-पीसीआर चाचणी तपासणी केली आहे. यासंबंधीचा अहवाल सायंकाळपर्यंत येणार आहे.
माधवराव पाटील जवळगावकर यांचा स्वॅब मंगळवारी रात्री कोरोना पॉझिटीव्ह आला होता. त्यानंतर त्यांना बुधवारी मुंबई येथे हलविण्यात आले. त्यानंतर त्यांच्या संपर्कात आलेल्या आठरा जणांचे स्वॅब घेण्यात आले. संपर्कात आलेल्या सर्वांचे स्वॅब हे निगेटीव्ह आले आहेत. यात काही पक्ष पदाधिकारी व अधिकारी-कर्मचार्‍यांचा समावेश आहे. आमदार जवळगावकर यांची प्रकृती ठणठणीत असून माझ्या तबियती बाबत कार्यकर्त्यांनी काळजी करू नये, लवकर बरा होऊन परतणार असल्याचा व्हिडिओ जवळगावकर यांनी रुग्णालयातून सादर केला.
